Skráning í vef- og prentútgáfu Bókatíðinda 2022

Félag íslenskra bókaútgefenda hefur opnað nýjan gagnagrunn fyrir skráningar á nýjum bókum til birtingar í Bókatíðindum. Lokafrestur til skráningar í prentútgáfuna er 9. október en skráning í rafrænu útgáfuna er opin allan ársins hring fyrir utan vikuna 10.-16. október þegar prentvinnsla fer fram.

Verð pr. kynningu er kr. 12.500 + vsk fyrir skráningu á vefsíðuna og kr. 19.500 + vsk fyrir skráningu í prentuðu útgáfuna eða samtals kr. 32.000 án vsk fyrir skráningu bæði á vefsíðu og í prentútgáfu. Skráning á vefsíðu verður virk um leið og hún er frágengin. Skráning alls texta og yfirlestur er á ábyrgð útgefanda.

Útgefendur eru beðnir um að sækja um aðgang að rafrænni skráningu á netfangið fibut@fibut.is með upplýsingum um nafn útgáfu, símanúmer, kennitölu, net- og veffangi útgáfu ásamt upplýsingum um nafn eða nöfn þeirra sem bera ábyrgð á skráningu og netföngum þeirra.