Þátttaka - framlagðar bækur

Í reglum um Bókmenntaverðlaunin segir m.a.: 
Hver sá sem gefur út bækur á þess kost að tilnefna þær af útgáfubókum sínum sem hann óskar að komi til álita samkvæmt reglum um verðlaunin. Við tilnefningu skal tekið fram hvort um er að ræða;

A.    Frumsamin íslensk skáldverk, laust mál eða ljóð

B.    Önnur íslensk ritverk, fræðirit, frásagnir, handbækur og hver þau verk sem að jafnaði teljast ekki skáldverk eða fagurbókmenntir.  

C.    Barna- og ungmennabækur

Framkvæmd verður sú sama og undanfarin ár, þ.e. tilnefndir verða 3 menn til dómnefndarstarfa í hverri nefnd. Verðlaunin eru kr. 1.000.000.- fyrir hvern flokk.   

Tilkynnið bækur vegna verðlaunanna eigi síðar en 10. október

Tilkynna skal skrifstofu félagsins um framlagðar bækur eigi síðar en 16. október 2022 á fibut@fibut.is. Gjald fyrir framlagðar bækur er:

• Bækur eða útprent afhent fyrir dagslok 31. október kr. 40.000
• Bækur eða útprent afhent fyrir dagslok 18. nóvember kr. 60.000

Skila skal þremur fullbúnum eintökum af framlögðum verkum og í allra síðasta lagi 28. nóvember 2022. Þessu eintök eru óafturkræf.  Heimilt er að leggja fram útprentað handrit áður en fullbúin eintök berast, gjald miðast þá við móttöku útprentaðs handrits. Koma skal  bókum til skrifstofu félagsins, Barónsstíg 5, 101 Reykjavík.

Tilnefningar til Íslensku bókmenntaverðlaunanna fara fram í fyrstu viku desember og afhending verðlaunanna sjálfra eigi síðar en 15. febrúar. Nánari upplýsingar um bókmenntaverðlaunin fást á skrifstofu félagsins í síma 511-8020 eða á netfangið fibut@fibut.is